Lythat gjenitale janë puçrra të lëkurës të madhësisë dhe formave të ndryshme, por të cilat shfaqen për shkak të infeksionit me virusin HPV, të ashtuquajtur rrezik i ulët për zhvillim të karcinomit

Më së shpeshti shfaqen në zonën e hyrjes së vagjinës, në kufirin e lëkurës dhe mukozës, përreth anusit dhe rreth buzëve të mëdha dhe të vogla, transmeton Telegrafi.

Jo rrallë gjenden edhe në murin e vagjinës, si edhe në fytin e mitrës, kur shkaktojnë konstatim abnormal citologjik (Testi PAPA).

Deri te infeksioni vjen nëpërmjet marrëdhënieve intime, gjatë të cilave virusi bartet në 90 për qind të njerëzve, mirëpo pjesa më e madhe nuk ka kurrfarë pasojash, sepse imuniteti lokal, sipas rregullit, çon deri në vetëshërim.

Një përqindje e vogël përballet me problemet e lythave (lat.condylomatta accuminata), apo me diagnozën e ndryshimit të PAPA-s.

Shërimi i lythave është i ndryshëm dhe disa metoda janë më të mira se të tjerat; më së shpeshti eliminohen me krimoterapi (ngrirjen me oksigjen të lëngshëm apo me dyoksid karbon), me lyerjen me substanca kimike abrazive dhe me laser.

Metodat e fundit tani janë treguar më të efektshme, duke pasur parasysh efikasitetin e shërimit.

Në shtatzëni ndryshimet shërohen njësoj si edhe kur femra nuk është shtatzënë, duke pasur parasysh kohëzgjatjen e shtatzënisë; më mirë është të shërohen para lindjes së pritur dhe java e njëzet është më ideale – indet deri në lindje shërohen në tërësi.

Arsyeja themelore e shërimit në shtatzëni është preventiva e infeksionit të të porsalindurit duke kaluar nëpër kanal; ndryshe vetë infeksioni dhe ndryshimet nuk ndikojnë esencialisht në rrjedhën dhe rezultatin e shtatzënisë.

Burimi: www.alboz.net

PËRGJIGJU

Please enter your comment!
Please enter your name here